Durangoko Azoka Telebistan eta Irudienean Euspot-ek interesa piztu du
Gaur Euspot lehiaketaren berri eman dugu Durangoko Azoka Telebistan eta baita ikus-entzunezkotarako gune Irudienean. Durangoko Azoka Telebistan zuzeneko elkarrizketa egin digute eta ondoren Irudienean aurkezpen txiki bat egin dugu azken urteotako 13 spot onenen proiekzioa eskainiz.
Arreta piztu dute bai elkarrizketak eta bai proiekzioak; Irudienea, ia topera egon da. Gazte jende asko eta adinekoak ere adi-adi!
Gaurkoa 2017ko edizioa berotzen hasteko aitzakia paregabea izan da. 2017ko gaia ez dugu oraindik ezagutzera eman baina hurrengo asteetan izango duzue horren berri.
