OINARRIAK 2025

1. Lehiaketaren helburuak: euskarazko sormena bultzatzea eta ikus-entzunezko publizitate arloan euskararen erabilera sustatzea.
2. Sustatzaileak: Aretxabaletako Udala da lehiaketaren sustatzaile nagusia. Antolakuntza batzordea Arteman Komunikazioak, Mondragon Unibertsitateko Humanitate eta Hezkuntza Zientzien Fakultateak, Arizmendi Ikastolak osatzen dute, sustatzaile nagusienarekin batera.
3. Babeslea: Eusko Jaurlaritza.
4. Laguntzaileak: Bai Euskarari Elkartea eta Audionetwork.
5. Gaia: ZER DA LAGUNA IZATEA?
6. Lanaren ezaugarriak: spota edozein formatutan grabatu ahal izango da: horizontalean ala bertikalean. Edizioa eta post-produkzioa ere nahi diren programekin egin ahal izango dira. Betiere, hobetsi egingo dira HD formatuan.
7. Lanen iraupena: 30 segundo gehienez.
8. Hizkuntza: lanek euskarazko lokuzioa izan beharko dute.
9. Lanen aurkezpena: bi eginkizun bete beharko ditu parte-hartzaileak:
   1. euspot.eus/parte-hartu ataleko formularioa bete.
   2. Lanak Wetransfer Interneteko bidalketa tresna bitartez helarazi beharko dira hurrengo helbidera: euspotlehiaketa@arteman.eus. Mezuan zehaztu beharko dira lanaren izenburua, taldeko parte-hartzaileen izen-abizenak eta kontakturako telefono bat. Artxiboek 2GB baino gutxiagoko tamaina izan beharko dute eta Mp4 formatua (H.264 kodekean).
10. Eskubideak:
    1. Lanak aurkeztu beharko dira Creative Commons lizentziapean.
    2. Erabiltzekotan, musika izan beharko da lizentzia librekoa, spotentzat propio sortutakoa edo www. audionetwork.com-ek lehiaketarako jarritako bildumatik hartutakoa. Hemen jarraibideak.
    3. Spotean adin txikikoak agertzen badira, nagusien sarien kasuan, egileak bermatu beharko du baimen sinatuz adin txikikoen guraso edo tutoreen baimena dutela. Hemen baimen orria.
11. Hedapena: antolakuntzaren esku gelditzen dira lehiaketara aurkeztutako lanen erabilera eskubideak. Betiere, lan horien hedapena egingo da lehiaketaren asmoa beteko duten ekimen eta eginkizunetan.
12. Spotak entregatzeko epea: 2025eko maiatzaren 26an, goizeko 10:00ak baino lehen entregatu beharko dira spotak.
13. Publikoaren botoa: publikoak bozkatu ahal izango du 2025eko maiatzaren 30etik (eguerdiko 12:00etatik) ekainaren 2ra arte (eguerdiko 12:00ak).
14. Sari banaketa: 2025eko ekainaren 12an egingo da sari banaketa ekitaldia Aretxabaletako Arkupe kultur etxean, 19:00etan.
15. Epai-mahaia: Antolakuntza batzordeko ordezkariek osatuko dute. Epai-mahaiak horrela erabakiz gero, sariak hutsik geratuko dira.
16. Sari nagusiak:
    • Spotik onena (1.000 euro).
    • Publikoaren saria (500 euro).
    • Gazteen saria (18 urtetik beherakoak) (500 euro).
    • Musika sinkronizazio onenaren saria (300 euro).
    Sari gehigarriak:
    • Mondragon Unibertsitateko ikasleen spotik onena (500 euro).
    • Arizmendiko ikasleen spotik onena (250 euro).
    *Sariek dagokien zerga atxikipena izango dute.
17. Parte-hartzaileak: norbanakoak, taldeak zein enpresa profesionalak izan daitezke.
18. Oinarrien onarpena: lehiaketa honetan parte hartzeak oinarri guztiak onartzea dakar.