GAIA 2020

2012 urtean sortu zuten Aretxabaletako Udalak, Mondragon Unibertsitateko Humanitate eta Hezkuntza Zientzien Fakultateak  eta Arteman Komunikazioak Euspot euskarazko spot lehiaketa.

Lehiaketaren helburua dira euskarazko sormena bultzatzea eta publizitate arloan euskararen erabilera sustatzea. Horretarako, antolatzaileek urtero gai desberdin bat proposatzen dute eta lehiakideek, nahi duten estilo, teknika eta baliabideak erabilita, erantzun beharko diote sormen erronka horri. Antolatzaileen asmoa da aurkeztutako lanei ahalik eta hedapen handiena ematea.

 

2020KO BRIEF-A

Gaia: ZER DAGO JANZTEN DUGUNAREN ATZEAN?

Helburu nagusia: Kontzientziazio kanpaina baterako spota sortu beharko da, moda azkarrak eragiten dituen ondorio negatiboak ikusarazteko. Gizarte globalizatu honetan, modaren industriak markatzen digu zer jantzi eta, batez ere, zer erosi. Urtero tendentzia berriak markatzen dituzte eta tendentzia horiek jarraitzeko gehiegizko kontsumismora bultzatzen gaituzte, erabili eta botatzeko arropa merkea erostera gehienetan. Horrek dakartzan ondorioei erreparatu gabe: lan esplotazioa, produktu toxikoen erabilera, osasun arazoak, besteak beste.   

Zeharkako helburua: Erosten dugunaren kontzientzia hartzea, batez ere arroparen kasuan. Modaren industriaren gurpil zoroa bazterrean utzi eta alternatibak badaudela ikusaraztea. Arropa merkea modu konpultsiboan erosteak dakartzan ondorioez hausnarketa egitea eta baita kontsumismo mota horrek gur eguneroko hizkuntza ohituretan duen eragina ikusaraztea.

Targeta: Biztanleria osoari zuzendutako iragarkia izan behar da.

 

IRAGARKIAK JASO BEHARKO DITUEN ELEMENTUAK

  • Gaiarekin bat egiten duen leloa.
  • Lanek euskarazko lokuzioa izan beharko dute.
  • Erabiltzekotan, musika izan beharko da lizentzia librekoa, spotentzat propio sortutakoa edo http://es.audionetwork.com-ek lehiaketarako jarritako bildumatik hartutakoa.
(Visited 2163 times, 1 visits today)